SOY UN CASTAÑAL

Soi una castañal

Queríos neños y neñes:

        Tenía muches ganes de falar con vosotros y de tar nes vuestres manes.

        Agora, tengo la oportunidá; toi percontenta, voi cuntavos la mio vida.

 Cómu soi,

ònde vivo……

Nómome Castañal

De xemes en cuandu llameneme castañar

castañeru...     

        Aunque

tengo vida

nun pueo

moveme del

sitiu, toi

afitada en

suelu per

una raiga-

me grande que m’ aguanta

y sabe recoyer del terrén.

L’alimentu que me fai falta

 El mio tueru faise cada

vegada más gordu y tolos

años tien un aniellu más.

     Asina,    toos podéis aldovinar con facilidá los años que tengo, si los cuntáis.

  Na primavera ,

a les mios

cañes sálen – yos

unos brotos ,

que voi dibuxar,

tán cubiertos

de pelinos.

  Ye qu ´ entamo a alitar,

espúrrome y soy feliz, sa –

ludando al sol , al agua al aire…

 fueya  de castañal

enllénome

de fueyes verdes,

allargaes, col cantu

en serruchu, asina de

guapes.

Les flores

apaecen al

 entamar el

branu.

Téngoles de dos formes:

Unes vense de collor ma-

riellu, porque tienen mun-

chu polvin o polen , y tán

 apetiguñaes a lo llargo

d´un rabín que sal xunta

la fueya.

Les otres son

redondines

 y quédense

apegaes a

la caña.

De xuru

que son éstes

les que más vos

presten, porque pa la

seronda fadránse un

frutu sabrosu.

Pel branu, comu tengo

tantes fueyes , doi bona                

solombra. 

Siempre toi entretenida viendo los xuegos de los neños y  les neñes, oyendo los cancios de los páxaros, el motor de los tractores…

A la mio vera tengo dalgunes hermanes , xuntes facemos una biesca que se llama castañéu

Na seronda ye

cuandu vienen a la

 gueta de los mios frutos .

Unes vegaes l´ airón fai

cayer  los oricios que guarden dientru les castañes y otres dimenme col pértigu pa que caigan.

     A la xente

 Présta-y comeles

crúes, amagostaes,

 cocies,

 esmondaes…

 o en dulce,

 i tán riquisimes!

Cuandu entama´ l

friu, les mios fueyes pó-

nense amarielles, yá me

 cayeron les flores

 y los frutos.

 Pasu  ente

 pasu voi

 quedándome

 desnuda,

solitaria,

éntrame ´l

 sueñu y

 durmo  tol

 invierno.

Dacuandu la ñeve  pósase nes mios cañes y quier esconsoname mui sele, faciéndome rebulquinos.

La verdá ye que tengo bayura d´hestories pa cuntavos , pero pueo dicivos una namás. A ver si vos presta.

  ¡ Atendéi ¡

Pasó un dia a lo cabero d´ochobre.

 Un pá y la so fia, que vivien nel pueblu d´al llau, subien al monte a pol ganáu.

Yo, taba a la vera´ l camin, pel  que teníen que pasar.

 Taba peratristayada, porque facia  mal tiempu y truena del día anterior estrozárame.

Un rellumu posárase enriba una de les mios cañes de la mandrecha, frayándola y separtándola de la mio cadarma.

Neña: - Mira, pá, esa castañal perdió una caña perguapa, enllena frutos.

Pá: - Ye verdá, sería la truena.

 Una caña con una madera  tan fuerte y durable nun la podemos dexar tirada en suelu.

Neña: - Entós ¿ llevámosla pa en casa?.

Pá : - Sí, al tornar.

Ehí nun val pa  ná.

 Neña : - Y ¿ qué comientes facer con ella?

 Pá: - Pues prestaríame camudar los barrotes vieyos del corredor.

Neña: - Si te sobra daqué, pues facemé l cestu  que me tienes prometíu, comu ´ l que tien la güelina, pero´l míu más pequeñu, ¿acuéi?

Pá : - ¿Val ¡ Asina pues recoyer les castañes. Entós aprovechamos tolo qu´ estrozó la truena.

Neña: - ¡Qué bien ¡ ¡Qué bien 

Pá  : - Comu hai castañes abondo, pues convidar a les tos collacies.

Neña : - ¿Y cómu vamos comeles?

Pá : - Facemos  un amagüestu na antoxana, ente casa . 

Neña : - Eso ye una fiesta pa  mi, ya toi maxinando  la tarde que vamos pasar,  ximielgando´ l tambor hasta  qu´ amagüesten.

Dexuru qu´ a les mios collacies prestará – yos asgaya.

Nun podéis imaxinavos l´allegría que sentí al oyer lo que falaben. Yo perdiere una caña,  pero daquién  sabria da – y utilidá. ¡Valdrá pa daque´!

Mereciera la pena, agora la neña  tendría un corredor perguapu.Y hasta  coles banielles que sobraren fairien una manieguina de xuguete  pa ella.

Alendé con gayola y vi cómu colaben, falando , el pá y la fía.

Acabóse